E kaluara ndikon ende tek ju, ja çfarë kanë parashikuar yjet për datat 29 prill-5 maj, sipas Paolo Fox

Dashi

Duket se gjërat nuk po ju ecin ashtu si do të donit për momentin dhe ndiheni si të zënë në kurth. Është e nevojshme të bëni një pauzë për të reflektuar dhe për t’u distancuar nga rutina që po ju lodh ngadalë. Fundi i prillit do të sjellë ndryshime të rëndësishme, ndërsa maji do t’ju gjejë me forca të ripërtërira. Në planin financiar dhe atë të punës priten zhvillime interesante.

Demi

Këtë javë pritet që të ketë ndryshime në jetën tuaj, shpërngulje dhe vendime të rëndësishme.  Ata që e gjejnë veten në një udhëkryq duhet të bëjnë një zgjedhje dhe të marrin një rrugë në vend që të qëndrojnë në vend. Pranvera do t’ju gjejë më të gjallëruar, por mos e teproni me aktivitetin  fizik. Është mirë të mos ekspozoheni shumë dhe t’i kushtoni vëmendje ndryshimeve të temperaturës. Sa i përket dashurisë, marrëdhëniet në çift janë të qëndrueshme, por mund të përjetoni momente mërzie.

Binjakët

Më në fund do të shihni një pikë kthese në çështjet tuaja financiare. Pas një periudhe të vështirë, disa siguri mund të jenë vënë në pikëpyetje dhe mund të keni humbur kontakte të rëndësishme. Keqkuptimet nga e kaluara mund të ndikojnë ende te ju, por është koha për t’u rikthyer në lojë, veçanërisht për beqarët që inkurajohen të jenë më të shoqërueshëm. Edhe në periudha të vështira, është e rëndësishme të ndiheni të sigurt.

Gaforrja

Disa nga ëndrrat tuaja mund të realizohen këtë javë. Do ta merrni veten dhe është e qartë që vullneti i mirë nuk mungon. Kujdes të mos bini pre e dembelizmit, sepse mund të pengojë përparimin tuaj. Ata që janë të vetëpunësuar duhet të mbledhin fonde për të mbuluar shpenzimet. Ata që janë beqarë apo të divorcuar është e rëndësishme të mos izolohen shumë, përndryshe do ta kenë të vështirë të gjejnë dashurinë. Në frontin e punës, mund të jepni intervista për një pozicion të caktuar ose të keni kërkesa të veçanta.

Luani

Muaji që lamë pas ju ka lënë pak konfuzë, por do të keni mundësinë të zgjidhni disa çështje deri në fund të javës. Tashmë mund t’i rifilloni projektet që i keni lënë pezull. Edhe pse në zemrën tuaj mund të mbani sekrete ose dhembje, është e rëndësishme t’i përballoni ato, në mënyrë që të jeni në gjendje të shikoni të ardhmen me qetësi.

Virgjëresha

Kjo javë do të jetë intensive për sa i përket studimit apo punës. Mund të jeni të stresuar nga një provim apo angazhim financiar që duhet ta keni përfunduar brenda korrikut. Megjithatë, është koha e përshtatshme për të qenë të hapur ndaj të rejave dhe për të gjetur qetësi. Ata që punojnë mund të kenë vështirësi me shefin ose klientët e tyre.

Peshorja

Yjet tregojnë një periudhë lodhjeje dhe pakënaqësie, si në jetën personale ashtu edhe në atë profesionale. Është koha për ndryshime dhe projekte të reja. Nëse do të dini t’i trajtoni mirë çështjet, kjo javë mund të jetë vendimtare për të ardhmen tuaj. Mund të merrni një telefonatë ose email të rëndësishëm.

Akrepi

Kjo javë do të sjellë mundësi të reja. Mund të përballeni me disa sfida, por do të arrini t’i kapërceni me sukses. Mund të ketë shpenzime të papritura, për shembull, në lidhje me dokumentet e makinës ose një vizitë te mekaniku.

Shigjetari

Pavarësisht vështirësive të kohëve të fundit, paqja do të kthehet së shpejti. Është e rëndësishme të jeni gati për ndryshim dhe të mos qëndroni të ankoruar në të kaluarën. Kujdesuni për veten dhe përgatituni të filloni nga e para.

Bricjapi

Mund të jeni mosbesues në marrëdhënien me dikë apo në lidhje me diçka, por është e rëndësishme ta kapërceni këtë pengesë. Bëhuni gati të riprogramoni jetën tuaj dhe të përballeni me sfidat me vendosmëri.

Ujori

Mos u dekurajoni nga pritshmëritë e tepërta. Së shpejti do të ndodhë diçka e mirë, që do t’ju japë shpresa të reja. Edhe nëse keni vuajtur nga zhgënjimi në dashuri, koha do t’i rregullojë gjërat. E rëndësishme është që të mos keni pengje nga e kaluara.

Peshqit

Kjo javë do të sjellë energji dhe frymëzim. Është një kohë e favorshme për të realizuar projektet tuaja personale dhe profesionale. Do të jeni në rritje, prandaj edhe nëse duhet t’i kushtoni vëmendje shpenzimeve, lejojini vetes disa kënaqësi të vogla për të shpërblyer angazhimin tuaj.